Ek shakhs Dil Ruba Sa - By ahmad faraz

Barson ke bad dekha Ek shakhs Dil ruba sa

Kia Kia jaye by Ahmad Faraz

Palat ke aana to kashti main dhoop bhar laana - Ahmad Faraz

Jahan bhi jaana to aankhon main khaab bhar lana

ye kia ? K dil ko hamesha Udaas kar laana

Main barf barf ruton mian chala to usne kaha

Palat ke aana to kashti main dhoop bhar laana

Bhali lagi hamain khush qamati kisi ki magar 

Naseeb mai kahan is sar'w ka samar laana

Pyam kaisa, magar ho sake to aye qasid

Kabhi Koe Khabar e Yar e Bekhabar lana

Faraz Abke jab aao Dayar e Janaan mian

Bajaye Tuhfa e Dil Armughan e Dil Laana

Faraz Ishq ki dunya to khubsurat thi - Ahmad Faraz

Agarche zor hawaon ne dal rakha hai 

Magar chirag ne lau ko sambhal rakha hai

Mohabbaton mian to milna hai ya ujad jaana

Mizaj e Ishq main kab etadal rakha hai

Hawa mian Nasha hi Nasha Fiza mian rang hi rang

Ye kis ne Pairahan Apna Uchhhal Rakha hai

Bhale dinon ka bharosa hi kia , rahian na rahain

So main ne Rishta e gham Ko Bahal Rakha hai

Ham aise sada dilon ko wo dost hon k khuda

Sabhi ne wada e farda pe Taal Rakha hai

Hisab e Lutf e Hareefan kia hai jab tu khula

K doston ne zyadah khayal Rakha hai

Bhari Bahar main ek shakh par khila hai gulab

K jaise tu ne Hatheli pe gal rakha hai

Faraz Ishq ki dunya to khubsurat thi

Ye kisne fitna e hijr o wesaal rakha hai

Is Shahr ki faza K Charagh Aashna na Thi- Ahmad Faraz

100 dooriyon pe bhi mere Dil se Juda Na Thi

Tu Meri zindagi thi Magar bewafa na Thi

Dil Ne Zara se Gham ko qayamat Bana Diya

Warna wo Aankh itni zyadah Khafa Na Thi

Yun Dil Laraz Utha hai Kisi Ko Pukar Kar

Meri sada bhi k jaise Meri Sada na Thi

Barg e Khizan jo shakh Toota wo Khak tha

Is Jaan Supurdagi ke to Qabil Hawa Na Thi

Jugnu ki roshni se bhi Kia Kia Bhadak Uthi

Is Shahr ki faza K Charagh Aashna na Thi

Apne hisse ki koe shama Jalate jaate - Ahmad faraz

Silsile tod gaya wo sabhi jate jate

Warna itne to marasim the k aate jate

Shikwa e Zulmate shab se to kahin behtar tha

Apne hisse ki koe  shama Jalate jaate

Kitna aasan that ere hijr mai marna janan

Phir bhi ek umr lagi jaan se jaate jate

Jashn e maqtal hi na barpa hua warna ham bhi

Pa bajaulan hi sahi Nachte gaate jaate

Uski wo jaane use pas e wafa tha k na tha

Tum Faraz Apni taraf se to nibhate jaate

Aa chuke ab to shab o roz Azabon Wale - Ahmad Faraz

ye jo sargashta se phirte hain kitabon wale

In se mat mil k inhain rog hain khabon wale

Ab Mah o saal ki muhlat nahi Milne Wali

Aa chuke ab to shab o roz Azabon Wale

Ab to sab dushna o Khanjar ki zaban bolte hain

Ab kahan log Mohabbat ke nisabon waale

Jo dilon par hi kabhi naqab zani karte the

Ab Gharon tak chale aaye wo Naqabon wale

Zinda rahne ki tamanna ho to Ho jate hain

Fakhtaaon ke bhi kirdar Oqabon waale

Na mere zakhm khile hain na tera rang e hina

Abke Mosam hi nahi aaye gulabon wale

Yun to lagta hai k qismat ka sikandar hai faraz

Magar Andaz hain sab khana kharabon wale

Jo chal sako to aisi koe chaal chal jaana - Ahmad Faraz

Jo  chal  sako to aisi  koe chaal  chal jaana

Mujhe guman bhi na ho aur tum badal jana

Ye sholagi ho badan ki to kia kia jaaye

So lazmi tha tere pairahan ka jal jaaana

tumhi karo koe darman,ye waqt aa pahucha

Ab to charah garon ko bhi hath mal jaana

Abhi abhi to judae ki shaam aayee thi

hamain ajeeb laga zindagi ka dhal jaana

Saji sajaayi hue maut zindagi to nahi

Moarrikhon ne maqabir ko bhi Mahal jaana

Ye kia? k tu bhi isi sa'at e zawal mai hai

K jis tarah hai sabhi surajon ko dhal jaana

Ab ke tajdeed e wafa ka nahi Imkan jaana - Ahmad Faraz

Ab ke tajdeed e wafa ka nahi Imkan jaana

Yad kia tujh ko dilaain Tera paiman jaana

Yunhi mosam ki ada dekh ke yaad aaya hai

Kis Qadar jald badal jate hain insan jaana

Zindagi Teri Ata thi , so tere naam ki hai

Hum ne jaise bhi basar ki , Tera ehsan jaana

Dil yeh kahta hai k shayad ho afsurdah tu bhi

Dil ki kia baat karain dil to hai naadan jaana

Dil bahalta hai kahan - Ahmad Faraz

Dil bahalta hai kahan Anjum o Mahtab se bhi

Ab to hum log gaye deeda e be khaab se bhi

Ro    pada  hun  to  koe  baat  hi  aisi  ho gi

Main, k waqif tha Tere Hijr ke aadab se bhi

Kuchh to us Aankh ka shewah hai khafa ho jana

Aur Kuchh bhool hue hai dil e betaab se bhi

Aye samundar ki hawa , Tera Karam bhi Maloom

pyas sahil ki to bujhti nahi Sailab Se Bhi

Kuchh to us Husn ko jaane hai zamana sara

Aur kuchh bat chali hai mere ahbab se bhi

Ye soch kar k Gham ke kharidar aa gaye - Ahmad Faraz

Ye soch kar k Gham ke kharidar aa gaye

Hum khaab bechne  sar e rah Aa gaye

Ab dil main hausla na sakat bazuon mai hai

Abke muqable pe mere yaar Aa gaye

Aawaz de ke chhup gayee har bar zindagi

Hum aise sadah dil the k har bar aa gaye

Hum Kaj Ada chirag k jab bhi hawa chali

Taqon ko chhor kar Sar e diwar aa Gaye

Itna Manoos na ho khalwat e gham se apni - Ahmad faraz

Itna Manoos na ho khalwat e gham se apni

Tu kabhi khud ko bhi dekhe ga to dar jayega

Tum sar e rah e wafa dekhte rah jaao ge

Aur Woh bam e Rifaqat se Utar jaye ga

Zindagi Teri Ata hai to ye jane wala

Teri bakhshish teri Dehleez pe dhar jayega

Doobte doobte kashti ko uchhala de dun

Main nahi koe to sahil pe utar jayega

Zabt lazim hai magar dukh hai qayamat ka faraz

Zalim abke bhi na roe ga to mar jaye ga

Tujh se bichhad ke Ham bhi Muqaddar Ke ho gaye - Ahmad Faraz

Tujh se bichhad ke Ham bhi Muqaddar Ke ho gaye

Phir jo bhi dar mila hai usi Dar Ke Ho gaye........

Kia Log the k jaan se badh kar Azeez the 

Ab dil se Mahw Naam bhi Aksar ke ho gaye

aye Yaad E yar Tujhse karain kia shikayatain

Aye dard e Hijr Ham bhi to Patthar ke ho gaye

Samjha rahe the Hamko sabhi Nasehan e shahr

Phir rafta rafta sab usi Kafir ke ho Gaye....

Abke Rut badli to khushboo ka safar Dekhe ga Kaun - Ahmad Faraz

Abke Rut badli to khushboo ka safar Dekhe ga Kaun 

Zakhm phoolon ki tarah mahkain ge par dekhega kaun

Dekhna sab Raqs E Basmal main magan ho jaainge

Jis taraf se teer Aaya Udhar dekhe ga Kaun

Wo hawas ya Wafa Ho Bat Mahroomi Ki Hai

Log phal Phool dekhain ge shazjar dekhe ga kaun

Ranjishain hi sahi dil dukhane ke liye Aaa - Ahmad Faraz

Ranjishain hi sahi dil dukhane ke liye Aaa
Aa phir se mujhe chhod ke jaane keliye Aaa

Kuchh to mere Pindar E Mohabbat ka bharam rakh
Tu bhi to kabhi mujhko Manane ke liye Aaa

Pahle se marasim nahi , Phir bhi kabhi to
Rasm o rah e dunya Hi nibhane ke liye Aaa

Kis kis ko bataainge Judae ka sabab Hum 
Tu mujhse Khafa hi to zamane Ke liye Aaa

Ek Umr se hun Lazzat e Giryah se bhi Mahroom 
Aye Lazzate Jaan Mujhko Rulane ke liye Aaa

Kion Tabiat kahin thaharti nahi - Ahmad Faraz

Kion Tabiat kahin thaharti nahi

Dosti to udaas karti nahi

Hum hamesha ke sair cashm sahi

Tujhko dekhian to aankh bharti nahi

Shab E Hijran bhi roz E bad ki Tarah

Kat to jati hai par guzarti nahi

Yeh Mohabbat hai sun! Zamane Sun

Itni Aasaniyon se marti nahi

Jis tarah tum guzarte ho faraz 

Zindagi is tarah guzarti nai

Abke ham bichhde to shayad kabhi khabon main milain - Ahmad faraz

Abke ham bichhde to shayad kabhi khabon main milain

jaise  sookhe  hue  phool   .  kitabon  mian   milain

Dhoondh ujde hue logon main wafa ke moti 

ye khazane tujhe mumkin hai kharabon mian milain

Gham e dunya bhi Gham e Yar main shamil  kardo

Nasha badhta hai sharabain jo sharabon main milain

Tu khuda hai na mera Ishq farishton jaisaa

Dono insaan hai to kion itne Hijabon mai milain

Ab na wo main hun na tu hai na maazi hai faraz

jaise do saaye tamanna ke sarabon main milain

Barson ke bad dekha " Ek shakhs dilruba sa" - Ahmad faraz

Barson ke bad dekha " Ek shakhs dilruba sa"

Ab zehn main nahi hai par nam tha bhala sa

Aankhon main khaab the ya barson ke ratjage the

Baatain ruki ruki si , Lahja thaka thaka sa

Alfaz the k jugnu ,Aawaz ke safar main

jaise k  janglon main ban jaaye rasta sa

Yadon main yad uski , Khabon main khab uske

Nindon main ghul gaya ho jaise k ratjaga sa

Tewar the be rukhi ke , Andaaz dosti ke 
wo Ajnabi tha lekin lagta tha aashna sa

Ab kia kahain k hamko, kion badgumaniya hain
Wo bewafa nahi par lagta hai bewafa sa

Pahle bhi log aaye, kitne hi zindagi main
wo har tarah se lekin auron se tha juda sa

Ab sach kahain to yaron hamko khabar nahi thi
ban jaayega qayamat ek waqi'aa zara sa 

Wahshatain badhti gayeen Hij'r ke aazar ke sath - Ahmad Faraz

Wahshatain badhti gayeen Hij'r ke aazar ke sath

Ab to ham bat bhi karte nahi ghamkhar ke sath

Ab to ham gahr se nikalte hain to rakh dete hain

Taaq par Izzat -e- saadat bhi  Dastar ke sath

Is qadar khauf hai ab sha'hr ki galyon min k log

Chaap sunte hain to lag jaate hain diwar ke sath

ek to khaab liye phirte ho galyon galyon

Us pe takraar bhi karte ho kharidar ke sath

Ham ko is sha'r main Taameer ka sauda hai jahan

Log Memar ko chun dete hain deewar ke sath

Qurbaton main bhi judaae ke zamane mange

Qurbaton main bhi judaae ke zamane mange

Dil wo be mahr k rone  ke  bahaane  mange 

Hum na hote  to  kisi  aur  ke  charche hote

Khilqat e shahr to kahne ko fasane Mange

Yahi dil tha k tarasta tha marasim ke liye

Ab yahi tarke ta'alluq ke bahaane mane

Apna ye hal k jee haar chuke, Lut bhi chuke

Aur Mohabbat wohi andaaz purane maange

Zindagi ham tere dagon se rahe sharmingah

Aur tu hai k sada aayna khane mange

Dil kisi hal pe qane'a hi nahi jan e faraz

Mil gaye tum bhi to kia aur na jaane mange