Dil bahalta hai kahan Anjum o Mahtab se bhi
Ab to hum log gaye deeda e be khaab se bhi
Ro pada hun to koe baat hi aisi ho gi
Main, k waqif tha Tere Hijr ke aadab se bhi
Kuchh to us Aankh ka shewah hai khafa ho jana
Aur Kuchh bhool hue hai dil e betaab se bhi
Aye samundar ki hawa , Tera Karam bhi Maloom
pyas sahil ki to bujhti nahi Sailab Se Bhi
Kuchh to us Husn ko jaane hai zamana sara
Aur kuchh bat chali hai mere ahbab se bhi
No comments:
Post a Comment