Itna Manoos na ho khalwat e gham se apni
Tu kabhi khud ko bhi dekhe ga to dar jayega
Tum sar e rah e wafa dekhte rah jaao ge
Aur Woh bam e Rifaqat se Utar jaye ga
Zindagi Teri Ata hai to ye jane wala
Teri bakhshish teri Dehleez pe dhar jayega
Doobte doobte kashti ko uchhala de dun
Main nahi koe to sahil pe utar jayega
Zabt lazim hai magar dukh hai qayamat ka faraz
Zalim abke bhi na roe ga to mar jaye ga
No comments:
Post a Comment