Ek shakhs Dil Ruba Sa - By ahmad faraz

Barson ke bad dekha Ek shakhs Dil ruba sa

Suno!!!! Jo Muskurate hain

wo aksar Mujh se kahti Thi

wo aksar Mujh se kahti Thi

Sach kaha tha Usne

سچ کہا تھا اس نے

Faraz Ishq ki dunya to khubsurat thi - Ahmad Faraz

Agarche zor hawaon ne dal rakha hai 

Magar chirag ne lau ko sambhal rakha hai

Mohabbaton mian to milna hai ya ujad jaana

Mizaj e Ishq main kab etadal rakha hai

Hawa mian Nasha hi Nasha Fiza mian rang hi rang

Ye kis ne Pairahan Apna Uchhhal Rakha hai

Bhale dinon ka bharosa hi kia , rahian na rahain

So main ne Rishta e gham Ko Bahal Rakha hai

Ham aise sada dilon ko wo dost hon k khuda

Sabhi ne wada e farda pe Taal Rakha hai

Hisab e Lutf e Hareefan kia hai jab tu khula

K doston ne zyadah khayal Rakha hai

Bhari Bahar main ek shakh par khila hai gulab

K jaise tu ne Hatheli pe gal rakha hai

Faraz Ishq ki dunya to khubsurat thi

Ye kisne fitna e hijr o wesaal rakha hai

Apne hisse ki koe shama Jalate jaate - Ahmad faraz

Silsile tod gaya wo sabhi jate jate

Warna itne to marasim the k aate jate

Shikwa e Zulmate shab se to kahin behtar tha

Apne hisse ki koe  shama Jalate jaate

Kitna aasan that ere hijr mai marna janan

Phir bhi ek umr lagi jaan se jaate jate

Jashn e maqtal hi na barpa hua warna ham bhi

Pa bajaulan hi sahi Nachte gaate jaate

Uski wo jaane use pas e wafa tha k na tha

Tum Faraz Apni taraf se to nibhate jaate

Kuchh khas nahi bas itni si hai

Kuchh khas nahi bas itni si hai dastan e Mohabbat meri

Har rat ka aakhri khayal , Har subh ki pahli soch ho tum

کچھ خاص نہیں بس اتنی سی ہےداستانِ محبت مری

ہر رات کا آخری خیال، ہر صبح کی پہلی سوچ ہو تم

Mere sapno ko sada

Mere sapno ko sada yunhi mahakta rakhna

Main ne thama the tera hath bade man ke sath

میرے سپنوں سدا یوں ہی مہکتا رکھنا

میں نے تھاما ہے ترا ہاتھ بڑے مان کے ساتھ

Itna Manoos na ho khalwat e gham se apni - Ahmad faraz

Itna Manoos na ho khalwat e gham se apni

Tu kabhi khud ko bhi dekhe ga to dar jayega

Tum sar e rah e wafa dekhte rah jaao ge

Aur Woh bam e Rifaqat se Utar jaye ga

Zindagi Teri Ata hai to ye jane wala

Teri bakhshish teri Dehleez pe dhar jayega

Doobte doobte kashti ko uchhala de dun

Main nahi koe to sahil pe utar jayega

Zabt lazim hai magar dukh hai qayamat ka faraz

Zalim abke bhi na roe ga to mar jaye ga

Tujh se bichhad ke Ham bhi Muqaddar Ke ho gaye - Ahmad Faraz

Tujh se bichhad ke Ham bhi Muqaddar Ke ho gaye

Phir jo bhi dar mila hai usi Dar Ke Ho gaye........

Kia Log the k jaan se badh kar Azeez the 

Ab dil se Mahw Naam bhi Aksar ke ho gaye

aye Yaad E yar Tujhse karain kia shikayatain

Aye dard e Hijr Ham bhi to Patthar ke ho gaye

Samjha rahe the Hamko sabhi Nasehan e shahr

Phir rafta rafta sab usi Kafir ke ho Gaye....

Abke Rut badli to khushboo ka safar Dekhe ga Kaun - Ahmad Faraz

Abke Rut badli to khushboo ka safar Dekhe ga Kaun 

Zakhm phoolon ki tarah mahkain ge par dekhega kaun

Dekhna sab Raqs E Basmal main magan ho jaainge

Jis taraf se teer Aaya Udhar dekhe ga Kaun

Wo hawas ya Wafa Ho Bat Mahroomi Ki Hai

Log phal Phool dekhain ge shazjar dekhe ga kaun

Ranjishain hi sahi dil dukhane ke liye Aaa - Ahmad Faraz

Ranjishain hi sahi dil dukhane ke liye Aaa
Aa phir se mujhe chhod ke jaane keliye Aaa

Kuchh to mere Pindar E Mohabbat ka bharam rakh
Tu bhi to kabhi mujhko Manane ke liye Aaa

Pahle se marasim nahi , Phir bhi kabhi to
Rasm o rah e dunya Hi nibhane ke liye Aaa

Kis kis ko bataainge Judae ka sabab Hum 
Tu mujhse Khafa hi to zamane Ke liye Aaa

Ek Umr se hun Lazzat e Giryah se bhi Mahroom 
Aye Lazzate Jaan Mujhko Rulane ke liye Aaa

Barson ke bad dekha " Ek shakhs dilruba sa" - Ahmad faraz

Barson ke bad dekha " Ek shakhs dilruba sa"

Ab zehn main nahi hai par nam tha bhala sa

Aankhon main khaab the ya barson ke ratjage the

Baatain ruki ruki si , Lahja thaka thaka sa

Alfaz the k jugnu ,Aawaz ke safar main

jaise k  janglon main ban jaaye rasta sa

Yadon main yad uski , Khabon main khab uske

Nindon main ghul gaya ho jaise k ratjaga sa

Tewar the be rukhi ke , Andaaz dosti ke 
wo Ajnabi tha lekin lagta tha aashna sa

Ab kia kahain k hamko, kion badgumaniya hain
Wo bewafa nahi par lagta hai bewafa sa

Pahle bhi log aaye, kitne hi zindagi main
wo har tarah se lekin auron se tha juda sa

Ab sach kahain to yaron hamko khabar nahi thi
ban jaayega qayamat ek waqi'aa zara sa 

Wahshatain badhti gayeen Hij'r ke aazar ke sath - Ahmad Faraz

Wahshatain badhti gayeen Hij'r ke aazar ke sath

Ab to ham bat bhi karte nahi ghamkhar ke sath

Ab to ham gahr se nikalte hain to rakh dete hain

Taaq par Izzat -e- saadat bhi  Dastar ke sath

Is qadar khauf hai ab sha'hr ki galyon min k log

Chaap sunte hain to lag jaate hain diwar ke sath

ek to khaab liye phirte ho galyon galyon

Us pe takraar bhi karte ho kharidar ke sath

Ham ko is sha'r main Taameer ka sauda hai jahan

Log Memar ko chun dete hain deewar ke sath

Qurbaton main bhi judaae ke zamane mange

Qurbaton main bhi judaae ke zamane mange

Dil wo be mahr k rone  ke  bahaane  mange 

Hum na hote  to  kisi  aur  ke  charche hote

Khilqat e shahr to kahne ko fasane Mange

Yahi dil tha k tarasta tha marasim ke liye

Ab yahi tarke ta'alluq ke bahaane mane

Apna ye hal k jee haar chuke, Lut bhi chuke

Aur Mohabbat wohi andaaz purane maange

Zindagi ham tere dagon se rahe sharmingah

Aur tu hai k sada aayna khane mange

Dil kisi hal pe qane'a hi nahi jan e faraz

Mil gaye tum bhi to kia aur na jaane mange

Dost bankar bhi nahi sath nibhane wala

Dost bankar bhi nahi sath nibhane wala

Wohi andaaz hai zalim ka zamane wala

Ab use log samajhte hain giraftar mera

Sakht nadim hai mujhe daam mai lane wala

kia kahain kitne marasim the hamare us se

Wo ek shakhs hai munh pher ke jane wala

Tere  hote  hue  aa  jati  thi saari dunya

Aaj tanha hun to koe nahi aane wala

Muntazir kiska hun tooti hue dehleez pe main

Kon aayega yahaan kon hai aane wala

Tum takhallus ko bhi akhlaq samjhte ho faraz

Dost hota nahi har hath milane wala

Is se pahle k be wafa ho jaain

Is se pahle   k   be  wafa ho  jaain

kion na ay dost ham juda ho jaain

Too bhi heere se ban gaya patthar

ham bhi kal jane kia se kia ho jaain

Ham bhi Majbooriyon ka uz'r karain

phir kahin  aur  mubtala  ho jaain 

Abke gar tu mile to Ham Tujh se

Aise liptain k teri quba ho jaain

Bandagi hamne chhod di hai faraz

kia karain jab log Khuda ho jaain